HeidiPeter1995的部落格

哈囉！

好耐都沒有UPDATE過我地個BLOG，一有少少精神寫BLOG，真係要講個好消息俾大家知，响今年九月李家將會增添多個成員了﹗對於我同PETER來講真係好開心，到時又多一個小朋友同跳跳玩，我地會過一家四口的生活，唔知到時會點呢？應該會好熱鬧吧﹗我自已就有少少擔心，唔知可唔可以應付兩個小朋友，不過都係唔好諗咁多，船到橋頭自然直，煮到埋黎先算。

不經不覺跳跳巳經兩歲了﹗回想這一年，跳跳由一個bb到現在成為有自己主見的小朋友，同跳跳一齊經歷了這兩年的時間，真係要講一句“LIFE IS AMAZING﹗”好多好多說話想講、好想分享做媽媽的喜悅、好想好想同大家分享跳跳成長的經歷，這些都不是三兩句可以講晒，不過就好想同跳跳講：

一個貪睡的媽媽，因為抵擋不住周公的引誘，每次暗完跳跳瞓覺，自己都睡呼嚕嚕﹗連blog都寫唔切，所以今次一次過寫兩個月﹗

去到22個月大了，今個月最大的進步是學會講句子，以下係跳跳會講的短句：

踏入21個月大的頭兩個星期，李跳跳小朋友唔知點解不停咁低燒，温度徘徊在37.4-38.9中間，主要入了夜才燒，食咗退燒水，之後就退了燒，但之後又再燒過。燒咗幾日後，我都驚驚地，帶返跳跳去法國醫院睇番上次個醫生。沒有流鼻水、沒有咳，只係發燒，以西醫的角度，身體一定係出現了某些問題，先會發燒。之後又驗埋尿，睇下係咪尿道炎等等。最後都係沒有發現。我都唔知點解會係咁，我又問過我姨媽（一個湊大好多個BB、好有經驗的老人家），佢話跳跳可能係腸熱，又或者身體內熱都可能有微燒，佢叫我煲竹庶水俾跳跳飲。其實我都諗咗一陣，之前中醫叫我唔好俾咁多竹庶水俾跳跳飲，怕會太涼，但係又諗𣶶一層，一日都係飲兩杯，唔係日日飲，沒有矛根，主要係竹庶、紅蘿蔔、馬碲，其實都可以。飲完之後個星期，跳跳就冇再發燒。姨媽真利害，有經驗嘅就真係唔同D﹗

20個月大了﹗足20個月大的跳跳又向他自己的人生踏進一大步。而家一落地多數會跑，就算行都行得好快；講說話就講多好多，有些是bb話，有些時我們大人聽明的單字或一個好短好短的句子咁，又會做好多不同古靈精怪的動作、表情，真係超好笑﹗好得意﹗大個仔咗，又或者返過playgroup，在社交上進步了很多，少咗怕羞，多咗用眼去接觸人(不過有時如果有其他事吸引咗佢，佢都唔會望著人)。不過，呢個仔係有點硬頸，好似佢原本識的一首歌，如果其他人改咗歌詞、又或者唔係佢唱開的音，佢就不停咁擰頭，唔會去同其他人一齊唱；又例如在跳跳的認知裡面，呢架叫“泥頭車”，如果你叫呢架叫“巴士”、“火車”佢會擰頭(擰頭都啱，因為呢架的確唔係巴士火車)，但係我叫呢架車係“車”，跳跳都擰頭，因為佢覺得“泥頭車“係泥頭車，其他名都唔啱。可能我教佢的時候，話佢知個名，冇教分類，所以有呢個反應。呢樣野真係要慢慢教，要教佢多接受其他事先得。

我不是一個粗魯的人，但唔知點解用手機真係用得超級不小心，四月老公才給我買了一部新的Sony Xperia S, 上個月手機的手觸式平面就給我括花咗﹗其實之前電話的四邊、兩隻角巳經俾我(或跳跳)撞崩咗，之後個平面再俾我來一招“隔山打牛”括花了﹗何謂隔山打牛，就係張保護貼竟然完整、無括花、無爛，但入面平面的膠就括起咗，好似揾介刀括起咁﹗我都唔知點解可以搞成咁﹗(真係要recommend呢隻保護貼俾所有人﹗)