我們終於同跳跳一齊完成了第一次嘅旅行﹗今次行程的地點，近近地選擇咗台灣，因為唔係太遠、住同食都好啱小bb，我家嘅跳跳只係得14、15個月大，太遠又唔好，有起事來都要時間返港；我地要揾跳跳可以食得嘅嘢俾佢食(即使佢都係要食我地煮嘅飯仔，但如果時間唔啱又或者趕唔切煮，出外有餐廳可以叫到白飯嘅都可以(我地只要帶baby food, 有餸就得﹗))，台灣就ok啦﹗而今次我地join埋謝氏一家一齊去，來一個8日7夜嘅親子團，主要嘅地點係台中嘅清境同埋台北。
今次嘅行程都好緊湊，基本上每一日都有行程，返到來雖然感到超級疲累，不過可以一家三口一齊去旅行又真係好開心，好滿足﹗
這個台灣之旅給我一個好新鮮嘅感覺，同十年前去感覺有大不同，台灣嘅國民教育做得好好，當地人好有禮貌，會讓座、會幫忙有需要嘅人。好似我地兩家人，又抱著小朋友，捷運車箱內嘅“博愛座”專門係俾有需要嘅人，好似大肚、長者、抱著bb嘅人咁，佢地當地人唔會坐呢d位，即使有好多人都好，都會見到這些博愛位係“吉”嘅，佢地真係會讓座。搭捷運時，當地人會俾車廂內嘅人出晒，之後先行入車廂；佢地見你地要幫手，好似要抱著架bb車落樓梯咁，有個大哥二話不說就過來幫手抬車落樓梯，俾起香港人，唔係人人都做到。還有，基本上新嘅捷運站都會有洗手間、親子洗手間，真係好方便，亦方便我地有bb嘅旅客，好多地方都可以幫bb換到片。整個感覺好好，好似日本，好有秩序。一點“大陸”感覺都沒有 (我不是要標籤強國人，但佢地嘅文化水平同我地真係差好遠，最基本嘅衛生都未搞得好，點比？)
我會好快咁好update我地呢個親子之旅，太多嘢想寫、太多相要post，還有跳跳嘅15個月大嘅blog.....好忙呀﹗
朋友們，請耐心等待.....嘻嘻﹗
p.s. 要多謝今次旅行嘅計劃人船太，好多事前事後嘅工夫都都係佢幫手計劃，真係非常多謝﹗
留言列表
