唔知係咪奶奶驚我地冇魚食，一次過就買咗好多魚給我煮。而今晚先煮撻沙魚。其實我之前未食過這種魚，佢個樣真係好怪、唔靚仔，又好似冇肉咁，所以我一次都未買過。點整？一定係蒸，因為我唔識其他方法。
這個鮮魷又係奶奶買給我的，哈哈﹗鮮魷先用糖、豆粉、楜椒、豉油、少許麻油醃好備用；
西蘭花洗好，之後用滾水煮兩分鐘，隔水後備用；
用乾蒜開鑊，落青芹略炒，盛起備用。
先落鮮魷炒，炒到魷魚卷起，之後就加青芹、西蘭花，這個時候讚酒、加少許鹽調味，再炒勻。最後埋茨，就可以上碟。
是日餐單：
1. 蒸魚
2. 西蘭花炒鮮魷
3. 焗肉排
沒想到這隻“撻沙”的肉係咁滑，雖然肉係少咗一點，但係蒸出來都好滑(蒸咗約七分鐘)。而個西蘭花炒鮮魷，今次又加多咗青芹去炒，咁就更香啦﹗
